元朗朗壹廣場將舉辦聖誕節主題活動「彈彈跳聖誕列車」，屆時將在地下中庭設置逾千呎、4.5米高充氣樂園，讓小朋友可以盡情跑跳及攀爬！登上列車第一個考驗，需要手腳並用爬上高台「火車捐山窿」，絕對是平衡力及耐力挑戰！然後從滑梯瀡落去躍進夢幻波波池等唔同嘅小關卡！樂園外圍更有小列車及聖誕樹係唔可以錯過嘅親子打卡位，仲有滿佈四周嘅可愛聖誕裝飾，包括巨型禮物、士的糖果等擺設都可以打卡留念！