A24 最新驚慄話題⼒作《嚇房》 6月6日正式上映
都市傳說「Backrooms」登上銀幕，帶你親歷令人窒息嘅惡夢美學
備受全球影迷期待嘅網絡都市傳說恐怖鉅獻《嚇房》（Backrooms），宣布將於6月6日緊貼全球正式登陸香港大銀幕，帶領觀眾感受密閉空間嘅極致不安！電影由影跨網絡嘅20歲視覺特效天才基恩柏臣斯執導，破天荒集結《詭屋驚凶實錄》溫子仁、《怪奇物語》團隊以及《長腿》導演奧斯查堅斯三大頂尖驚慄監製聯手，並由奧斯卡提名影帝楚伊特艾治奧福、康城影后溫娜特雲絲薇等華麗陣容參演，勢必將心理恐懼推向新巔峰！
電影故事講述傢俬店老闆奇勒（楚伊特艾治奧福 飾）一次意外發現地下室牆壁背後，竟通往一個神秘空間。嗰度燈光昏暗、貼滿泛黃牆紙，喺嗡嗡作響嘅燈管聲下，無盡嘅走廊與堆疊嘅傢俬構成了一座錯綜複雜嘅迷宮。奇勒嘅心理治療師瑪麗（溫娜特雲絲薇 飾）為咗尋找失蹤病人，根據線索冒險闖入呢個黃色迷宮，卻遇上接連不斷嘅怪異事件，未知嘅恐懼悄然而生。
導演： 基恩柏臣斯 Kane Parsons
演員： 楚伊特艾治奧福、溫娜特雲絲薇、馬克杜比斯
語言： 英語（中文字幕）
片長： 105分鐘
