Whole day 是位於大圍站大型商場圍方3樓的法式西餐廳，餐廳裝修走簡約木系風格，環境光猛整潔，座位寬敞舒適，仲有落地大玻璃可以望到平台花園，感覺好悠閒。

餐廳晚市主打半自助餐，自助海鮮沙律吧提供多款美食，包括煙三文魚、凍蝦、青口、翡翠螺、冷切肉盤和各款芝士等。煙三文魚大塊新鮮，煙燻味濃郁；海鮮亦相當新鮮，蝦肉大隻爽甜。沙律菜有超過6款選擇，可以按自己喜好混搭，非常貼心。

主菜選擇豐富，推介手工意粉系列，如「白酒忌廉蟹肉手工粗管麵」，醬汁 creamy 得來帶淡淡酒香，蟹肉份量足，粗管麵煙韌掛汁。另外「經典牛肉漢堡配竹炭包」賣相特別，漢堡扒厚身多汁。餐廳由米芝蓮星級主廚主理，食物質素有保證。