SAVVY餐廳環境幾好 自助餐選擇多樣 海鮮新鮮 亞洲熱食同甜品都唔錯 價錢都算合理 不過之前同阿媽2個人去食 覺得枱與枱之間距離近少少 感覺冇咁方便 可惜搵唔返啲相😂

餐廳係行亞洲風味style，入面有酒吧與酒廊，環境都算闊落、今次就去食brunch，自助餐都幾多唔同野～ 冷盤&凍海鮮 冷盤見到有日式刺身、火腿芝士﹑麵包﹑特色沙律等，比如有四川麥麩沙律、蓮藕沙律、紅菜頭沙律、鷹嘴豆沙律等，多款選擇。刺身今日有鯛魚﹑吞拿魚、三文魚及甜蝦，全部都係厚切，推介食甜蝦，味道鮮甜😍 凍海鮮方面，今日有麵包蟹、長腳蟹、翡翠螺及蜆，選擇唔算太多，勝在質素唔錯，麵包蟹同埋長腳蟹肉質都幾甜，麵包蟹仲有唔少蟹膏添🥳 熟食 熟食都有唔少選擇，比如有粉嫩嘅牛柳﹑味噌魚﹑ 日式照燒雞﹑ 豬手 ﹑叉燒炒飯等，同時亦有充滿東南亞風味既菜式，如有泰式香茅豬頸肉、船麵、冬蔭功湯、印度咖哩鴨、印度薄餅等。豬頸肉幾香口，船麵可以任選配料，整體都唔錯😎 甜品 來到甜品，始終係餐廳主打，泰式甜品選擇花多眼亂，有芒果糯米飯、班蘭蛋糕、泰式彩紅千層糕、西米露等。西式甜品就有藍莓芝士餅、牛奶凍、抹茶芝麻蛋糕、茉莉芒果慕絲蛋糕、法式焦糖堅果撻等，側邊仲放咗啲生果同埋糖果。 甜品味道普遍都在線。咁多款最鍾意牛奶凍，香甜又美味，細細杯啱啱好；而法式堅果撻既nuts香脆；雪糕就有Hagaandaz任食，今日有士多啤梨味﹑雲呢拿味同埋朱古力味🥳 飲品有橙汁、咖啡﹑茶之外，最特別係可以自製泰式珍多冰，側邊有配料粉條、紅豆同埋涼粉，先將配料倒入高身杯，最後落椰奶，就可以喺自助餐飲到一杯自製嘅珍多冰，呢樣好正，俾客人跟返自己想要既去整，好開心🙂‍↕️🙂‍↕️