型格原石梯級，加上背靠綠色植物牆，滿滿外國vibe；其實係長沙灣甲級商廈—83瓊林街，設計走「城市度假x幾何綠林」風，除咗有大量綠化元素，左右兩座商廈雙子塔之間，仲有一個梯級式園林廣場，橫跨兩層約有6米高，從高向下影，景色震撼，係難得一見嘅「城市綠洲」。推介大家到精品咖啡店NOC Coffee Co.、知名手搖茶飲店花斑茶社及藏身於Kiosk嘅本地咖啡新晉品牌QUAD Coffee Club買杯嘢飲坐喺度歎返杯曬太陽Chill一下。

肚仔餓都有幾間必食推介：主打每日鮮製全天然牛油鬆軟麵包，亦設有堂食座位嘅享樂烘焙；每月都會有限定新口味Gelato推出嘅Ganto Gelato；性價比高悠閒小店J’s Cucina，甚受區內OL歡迎。仲有份量十足打工仔飯堂嘅開花結果，主打親民歐陸料理，出名「抵食夾大件」，必衝！

83瓊林街離荔枝角地鐵站僅5分鐘步程，若weekend想駕車兜風，於場內電子消費滿$100，即可享有2小時免費泊車，停車場更配有電動汽車充電區(24個中充、4個快充)，相當方便！