最新治癒奇幻力作《劇場版 角落小夥伴 從天而降的雲之冒險》 6月25日正式上映！
系列史上最「高」興空中冒險登上銀幕，帶你親歷夢幻雲海嘅勇氣與感動
橫掃大人細路心房嘅角落小夥伴強勢回歸！系列全新劇場版《從天而降的雲之冒險》將於6月25日登陸大銀幕。今次作品由 San-X 原作者橫溝由里親自打造，並由《劇團歐洲企劃》嘅角田貴志操刀劇本，破天荒引入兩位全新原創角色，為小夥伴嘅世界增添更多情感層次。配合極致唯美嘅雲海畫面，勢必為全港觀眾帶嚟今個夏天最治癒嘅心靈洗滌！
電影故事講述角落小鎮近日陰雨連綿，連平時最鍾意乾爽嘅炸豬排同炸蝦尾，都因為身體變得濕濕黏黏而顯得無精打采。某日，天空中突然掉落神祕身影，原來係來自「空之王國」嘅王子同佢嘅貼身侍衛！由於王國正面臨嚴重嘅缺水危機，年幼嘅王子為咗病重嘅國王，決定獨自孭起尋找解決之道嘅重任。為咗幫助呢位苦惱又努力逞強嘅王子，善良嘅角落小夥伴決定一齊衝向雲霄，尋找傳說中嘅「水之神殿」，一場充滿驚奇與感動嘅大冒險正式揭幕！
原作： 橫溝由里（San-X）
導演： 岩田直己
語言： 粵語配音版
劇本：角田貴志（ヨーロッパ企画）
動畫製作：FAN WORKS
美術導演：日野香諸里
片長： 68分鐘
