想去澳門瘋狂打卡食好西？「休」遊巴士．社區探趣幫你一車搞掂！由多間綜合度假村出發，免費接駁穿梭各社區，等你輕鬆鑽入大街小巷，探索地道美食、文青小店同特色景點。

為咗令大家有更優質體驗，於 6月13日追加推出一系列優化措施，包括路線班次大優化：路線全面調整為雙向行駛模式，特別增設「澳門往 路氹」方向，往返度假村同舊城區變得更方便；而「新口岸路線」亦已改為逢週末常態化運行，隨時出發話咁易！

今次計劃設有3大主題、6條路線，由即日起至7月26日（特定日子/周末）帶你玩轉澳門；早前率先遊嘅「假期輕鬆遊」主題，吸引唔少文青參與；嚟緊仲有2大主題：

1. 探食時光機（至7/26逢周末）：經北區、新橋、沙梨頭街市及康公夜市，沿途掃盡地道美食、特色店舖！
2. 週末趣悠遊（至7/26逢周末）：漫遊媽閣塘片區，再去南灣．雅文湖畔一邊欣賞湖景一邊過個慢活周末。

沿線仲連動咗超過300間特色商戶同各大社區活動，出發前記得用手機掃描官網，班次、路線同社區地圖一網打盡！