金銀蒜湯米線湯底蒜香濃郁，配上米線特別掛湯入味，配料味道不俗，各有滋味，配埋消暑檸檬洛神花茶，入口酸甜透心涼，一個字，爽！

特登走去試咗南記新出嘅金銀蒜湯米線🍜，個湯底蒜味濃郁得嚟好有深度，有炸過嘅香脆焦香金蒜粒，仲混入咗鮮甜微辣嘅生銀蒜蓉。生熟蒜頭完美融合，加埋濃濃嘅少辣湯底，將蒜香嘅衝擊力推到極致。配料方面配搭咗春卷同肥牛，兩者都好掛湯，非常惹味，推薦給大家☺️☺️

好感恩可以抽到南記撈麵試食禮券 大年初三去南記換領， 攞個意頭 <撈起、撈起> 🤩🤩 兌換也很方便，如想轉凍飲，只需補$3就可以了。 今日同老公一齊嚟試食- 蕃茄牛肉撈米通 + 凍咖啡 蕃茄牛肉是比較健康嘅選擇， 用上新鮮蕃茄，是家的味道。 炸豬扒撈公仔麵 + 凍咖啡 豬扒炸得非常香口，雖然唔係厚切豬扒，但係非常鬆軟，好好味。 個撈汁先至最正， 大小小微辣 非常惹味。 因為大年初三關係，座位非常鬆動，可以慢慢享受，不過餐廳清潔有待改進，因為較多少蚊滋。 值得稱讚是：清潔的姐姐、收銀的姐姐也非常有禮貌。