今個五一勞動節，一於暫別忙碌，嚟AIRSIDE參加「我有我摸魚市集」！市集匯集本地設計品牌、手作工藝、特色雜貨及寵物用品等多元產品，無論你想尋寶、買禮物俾自己，定係同朋友邊行邊歎，都一定搵到心頭好。

現場將有文青手作、飾物、皮革、花藝、陶瓷、蠟燭、香薰、布藝擺設、盆栽及各國特色產品，仲有寵物專區等你同毛孩一齊行街打卡。趁住假期，過嚟慢慢行、慢慢睇，支持本地創作之餘，為自己叉叉電，輕鬆過一個悠閒又有趣嘅下午。約定你，AIRSIDE見！