南記撈吉列豬扒混醬公仔麵，份量十足，炸豬扒外脆內嫩，肉香濃郁。混醬鹹甜交織，與麵條緊密融合，口感層次豐富。公仔麵吸收醬汁後更顯滑口，每一口都帶著香脆與濃厚的對比。配上一杯暖飲，既飽肚又滿足，簡單卻令人心情愉快。

新年必試添運襟撈南記早餐❤️ 撈肥牛鮮番茄米通🍅 撈起🥢好多肥牛！蕃茄味超香濃，係一個充滿美味同營養嘅豐富早餐！

好高興早前係活動中獎，有幸試到南記既到麻芝菇姬松茸米線套餐。本身自己好鐘意食米線，一來自己鐘意有咬口既麪食，二來食米線會比較容易消化，就算食多左都好快冇左個種飽到好辛苦既感覺😆 不過如果你唔鐘意米線都唔緊要，佢仲有其他麪底選擇😊 講返正題先，我當日係買外賣返屋企食，一打開個外賣碗就直接聞到好濃郁既姬松茸香氣。唔駛講個湯一定好夠味道👍🏻我揀左牛丸（+$3）同魚肉春卷做餸，牛丸好香，夠爽口好好食，甚至覺得比出面其他粉麪店好食（唔係賣廣告，但平時多數食開都係牛筋丸，d筋成日都痴牙又會比較重油膩感，相對我個人鐘意南記牛丸多d☺️） 而魚肉春卷一向都招牌，依舊好食，呢2款餸冇得輸啦😋 成碗米線既秀珍菇同姬松茸亦好足料，再加上濃濃既湯底，全部都係我鍾意食既野，一邊食一邊感覺好滿足😊 呢個套餐會跟一杯飲品，我就揀左熱黑芝麻豆漿。呢杯豆漿我覺得係驚喜既👍🏻 平時出去飲豆漿味道可能係死甜，又或者就算揀黑芝麻豆漿都會好淡味。但係今次南記呢杯黑芝麻豆漿都算夠味，聞落好有芝麻味香，飲落都唔會好淡味，唔係個d聞到味但飲唔出既黑芝麻。 依家食呢個套餐會隨餐附送一個麻芝菇掛飾，我個餐就跟左隻菇仔，可唔可愛就見仁見智啦😂