Noon.dfd位於中環街市，是一間希臘乳酪雪糕專門店，主打以希臘乳酪製成嘅雪糕，質地濃厚綿滑，味道偏酸，可以自選三款配料加免費蜜糖，每杯只係$59，性價比幾高。

配料選擇超過20款，除咗常見嘅朱古力脆脆、香蕉、藍莓之外，仲有好多本地特色配料，例如火炙粟米、脆油炸鬼、老餅家杏仁蛋白酥、迷你熱香餅等。如果想加碼，仲可以加$3升級朱古力卷蛋，或者加$5升級焦糖布丁大福同限量德成號蛋卷，啱晒鍾意試新嘢嘅朋友。

除咗雪糕，小店仲有供應法式多士、迷你全日早餐同香烤早餐腸等輕食，好適合中環上班族當Lunch。地址係中環街市2樓244號舖，經過不妨試下！