「滔滔甜品」最出名嘅，就係佢地成功復刻咗近乎失傳嘅港式鮮製椰子糊。呢款糖水以前係名店「大良八記」嘅周日限定名物，結業後一度難尋，而「滔滔甜品」用泰國椰絲、糯米同水重新呈現，口感香濃軟滑。

除咗呢款懷舊名物，鋪頭亦主打多款傳統港式糖水同新派冰品。招牌「叁元豆花」配料豐富，有豆腐花、芋圓、地瓜圓、黑糖珍珠同紫薯西米，仲可以揀配雪糕或芒果等，口感層次豐富，定價親民，人均消費大約港幣$50以下。